Appena astutai la luci
mi mise mu dormo como nu ghiru
cu chijr'aria bella duci
megghio mu dorme ca mu vai in giru
Però na brutta cosa mi nzonnai
e la nottata mi guastai
santu nicola paisi de nui cumandatu
de lupi cattivi ere circundatu
Sti lupi sapianu mu parranu ma no dicìanu la verità
no dicìanu li tanti cose belle chi nui facimu pe la comunità
forse pecchi eranu brutti e puru affamati
ghìanu pe lu paisi cuntandu nu saccu de cazzati.
C'ere lu sindacu tuttu preoccupatu
chisti na brutta nominata ni fannu ntra tuttu lu circundariatu
Na soluzione a mu trovamu
e sti brutti lupi a mu cacciamu!
Chi diciti nu manifesto mu nci attaccamu?
O lu nchiaccacane mu chiamamu?
Lu manifesto eo criju ca no nci fade nente
chisti su lupi mpertinente
dirrìa mu li nchiaccamu
ca accussi finarmente ni nde liberamu...
Ma nu cunsigghiere disse lindu e sberto
sacciu como a mu li cacciu eo, nde sugnu certo!
Siccomo sti lupi oltre ca mu su affamati
sugnu puru assitati
facimunci mu sannu como allu paisi senz'acqua si stacìa st'estati
ca quandu sannu como eremu conzati
si nda scappanu a gambi levati...
Morale della favola:
Oh nicolisi l'acqua puru de verno a mu vai mu la pigghi a camunni
e hai vogghia mu ti mbunni...
Nessun commento:
Posta un commento